Afrikaners en Nederlanders deel komponente van hul taal, kultuur, geloof en geskiedenis. Dit beteken nie dat daar geen verskille is nie. Daar word selfs van Afrikaners gesê dat waar twee Afrikaners op 'n eiland afspoel, hulle twee politieke partye en drie kerke stig. Hierdie tendense is nie onbekend vir Nederlanders nie.
In die verlede het Nederlanders en Afrikaners hulself kultureel verhewe bo mekaar en ander volke gevoel. Dit het baie politieke en kulturele stryd veroorsaak. Die Nederlandse Afrikanervereniging wil nie meer verdeeldheid saai nie, maar eerder samewerking bevorder. Daarom is interaksie tussen persone, organisasies en groepe slegs moontlik as daar respek vir mekaar se perspektiewe is.
Die Groot Woordeboek Afrikaans en Nederlands laat op respekvolle wyse die ooreenkomste en verskille tussen Afrikaans en Nederlands zien. Die woordeboek is in 2011 gepubliseer.
Ons vat hande
Burgerlike samewerking is ons antwoord
Die president Steynpark in Otterloo is ontwerp in opdrag van Helene Kröller-Müller en dien as 'n ontmoetingsplek voor die ingang van haar kunsmuseum.
Sedert die ondergang van die VOC was die samewerking tussen Nederlandse en Suid-Afrikaanse regerings nooit rerig goed nie - behalwe vir die 1950's. Nederlands-Suid-Afrikaanse samewerking was nog altyd 'n samewerking van burgers, maatskappye en verenigings. As gevolg hiervan was daar nog nooit 'n monopolie op die samewerking tussen Suid-Afrika en Nederland nie.
Verskillende inisiatiewe bestaan saam en vorm saam die samewerking in hul eie tyd en op hul eie manier. Die Nederlandse Afrikanervereniging staan in hierdie tradisie.
Ons deel ons ooreenkomste ook met ander groepe
Ons reik verder uit
Die band tussen Afrikaners en Nederlanders staan nie alleen nie. Afrikaners en Nederlanders deel ook komponente van hul taal, kultuur, geloof en geskiedenis met ander volke. Byvoorbeeld, Vlaminge, Antilliërs, Surinamers en Indo-Hollanders. Of Griekwa, Khoi-San, Kaap-Maleiers, Bruin Mense en Basters. Saam is ons verantwoordelik vir goeie verhoudings tussen al hierdie verwante kultuurgroepe.
Die Nederlandse Afrikanervereniging werk daarom ook saam met ander organisasies wat hierdie groepe verteenwoordig. Wel kan volhoubare samewerking slegs plaasvind met 'n sterk tuiste. Samewerking is aanvullend en kan nie ons eie missie vervang nie.
Die grootste Afrikaans- en Nederlandssprekende gemeenskappe.
Moenie ons verwar met die verlede nie
Ou idees is nie ons beginsels nie...
In die verlede was daar 'n aantal belangrike perspektiewe op samewerking tussen Afrikaners en Nederlanders.
Dit is dus ook belangrik om te verduidelik waarom daardie perspektiewe nie ons beginsels is nie.
Toe Hollanders die bestaan van Afrikaners ontken het
Geen stamverwantskap nie
Nederlanders het tot in die sestigerjare Afrikaners as deel van die Nederlandse volk beskou. Afrikaners sou vergete Nederlanders wees, ver in Suider-Afrika. Vergete Nederlanders, wat agtergebly het na die verlies van die Nederlandse Kaapkolonie aan die Britte.
Die denke in terme van stamverwantskap was op sy hoogtepunt tussen 1875 en 1910. Hierdie gedagtegang het invloedryke ondersteuners gehad, soos die Nederlandse premier Abraham Kuyper. Die Hollander-politiek van president Paul Kruger pas ook by hierdie filosofie. Die Kaaps-Hollandse elite in die Britse Kaapkolonie was ook pro-Nederlands, soos Marie-Koopmans De Wet.
Alhoewel gevoel van stamverwantskap onder Afrikaners na die Tweede Boereoorlog sterk verminder het, het baie Nederlandse denkers, veral aktief rondom die Zuid-Afrikahuis en die Nederlands-Zuid-Afrikaanse Vereniging, aan die idee van stamverwantskap bly vasklou. Daardeur het hulle indirek geweier om Afrikaners se bestaansreg as 'n aparte volk te erken. Afrikaners het hierdie houding behoorlik arrogant gevind.
Op 6 Julie 1922 is die standbeeld van president Steyn in die Nederlandse stad Deventer onthul deur sy dogter Gladys.
Toe Afrikaners hul Nederlandse geskiedenis weggesteek het
Geen Afrikanernasionalisme nie
Op 10 Oktober 1952 is die Kruger-monument in die Nederlandse stad Utrecht onthul.
Na die totale verwoesting van die Tweede Vryheidsoorlog - met sy konsentrasiekampe, verskroeide aarde en die deportasie van alle Nederlanders - het 'n nuwe identiteit ontstaan. Die Boere en Kaapse Hollanders het Afrikaners geword. Die taal ontwikkel in rekordtyd van Nederlands (Hoog-Hollands) via Afrikaans-Nederlands na Afrikaans. Afrikaners het ontwikkel as 'n onafhanklike volk, met hul eie taal en kultuur.
Boonop het Afrikaners die dubbelsinnigheid van die woord 'Hollands' afgebreek. Tot in die dertigerjare het dit na sowel Nederlands as Afrikaans verwys. Namate Afrikanernasionalisme sterker geword het, het die Nederlandse kultuurruimte in Suid-Afrika minder belangrik geword. Verwysings na Nederland of die Nederlandse taal is aktief uitgeskakel tot eer en heerlikheid van die Afrikaner. Die argitek van apartheid, D.F. Malan, was 'n belangrike spilpunt in hierdie proses.
Hierdie proses het tydens apartheid verhard. Ooreenkomste tussen Afrikaners en Nederlanders opsy geskuif en weggesteek, terwyl die verskille doelbewus vergroot is.
Toe Afrikaners en Hollanders nie vir mekaar kon lug of sien nie
Geen apartheid, anti-apartheid of politiek nie
Apartheid en die stryd daarteen het diep wonde tussen Afrikaners en Nederlanders gelaat. Hierdie wonde is dieper en varser as die Nederlandse onvermoë om die Boererepublieke te help tydens die Tweede Boereoorlog of die Afrikaner se onverskilligheid teenoor die Duitse besetting van Nederland. Boonop was Afrikaners en Nederlanders tydens die vroeëre konflikte nog grootliks bondgenote. Dit was nie so tydens apartheid nie.
Vanaf die sewentigerjare is Nederland betower deur die stryd teen apartheid. Die burgerlike samelewing het hom gekant teen Suid-Afrika en die apartheidsregime. Die gevolg was burgerlike protesoptredes, boikotte en selfs aanvalle teen Shell, Makro en die Zuid-Afrikahuis. Nederland het die kulturele verdrag met Suid-Afrika gekanselleer. Die Suid-Afrikaanse leerstoel aan die Universiteit van Amsterdam het verdwyn. Tydens apartheid is samewerking tussen Afrikaners en Nederlanders deur beide kante erg ontmoedig.
Die Nederlandse Afrikanervereniging verwerp politieke ekstremisme. Apartheid is 'n misdaad teen die mensdom. Punt.
Op 8 September 1984 het hierdie groot betoging teen apartheid in die Nederlandse hoofstad Amsterdam plaasgevind.
Nou maak die ANC amptelike samewerking so goed as onmoontlik
Geen transformasie nie
Op 10 Junie 1987 is die naam van die Louis Bothastraat (gebou in 1904) in die Transvaalbuurt in Amsterdam verander. Na protes van plaaslike inwoners is 'n jaar later 'n aandenking van die ou naam geplaas.
In 1994 is die Suid-Afrikaanse reënboognasie geskep, met ruimte vir alle bevolkingsgroepe, tale en kulture. Met elf amptelike tale en vyftien tale met spesiale status. Met koningin Beatrix, wat op versoek van Mandela en die Afrikaaanssprekende gemeenskap, in Nederlands gesels het tydens haar staatsbesoek in 1995. Die Afrikaans-Hollandse samewerking het stadig weer begin.
Aan die einde van die negentigerjare het die ANC-regering die transformasiebeleid ingestel. Die ANC het gevoel dat die regering diep in die samelewing moet ingryp om die verskillende Suid-Afrikaanse bevolkings met mekaar te integreer. Die nadeel van hierdie beleid is dat openbare kultuurruimtes vir die verskillende bevolkingsgroepe deur die ANC-regering gesloop word. In die owerheid en ander staatsinstellings (onderwys, gesondheidsorg, staatsbeheerde ondernemings, ens.) is daar nie meer ruimte vir diversiteit tussen instellings nie. Elke organisasie moet dieselfde lyk, ongeag streeksverskille en demografie.
Omdat baie amptelike organisasies besig is om Afrikaans te skrap en na Engels oor te skakel, is daar voortdurend minder ruimte vir kulturele en taalkundige samewerking met Nederlanders. As Afrikaans iewers afgeskaf word, word die skakel met Nederlands ook afgeskaf. Sommige universiteite neem selfs Afrikaanse en Nederlandstalige boeke na die verbrandingsoond. In hierdie opsig is die Afrikaners terug na die situasie in die Engelse Kaapkolonie toe die Britte ook vyandig teenoor die Nederlandse taal en kultuur in Suider-Afrika gestaan het.
AVG-toestemming
Wysig jou toestemminginstellings of bekyk ons privaatheidverklaring.
